16 de Abril 2012 - Mashtots

Ցավակցական գիր Շենուդա Գ Պատրիարքի մահվան առիթով

Մարտի 18-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ցավակցական գիր է հղել Ղպտի Ուղղափառ Եկեղեցու Սրբազան Սինոդին, հոգևորականությանը և ղպտի քրիստոնյաներին Ալեքսանդրիայի և Համայն Աֆրիկայի Պապ, Ղպտի Ուղղափառ Եկեղեցու Շենուդա Գ Պատրիարքի մահվան կապակցությամբ:
Պատրիարքական տեղապահ, Էլ Բեհեյրա Դամանհուրի Պախոմիուս միտրոպոլիտին ուղղված Հայրապետական ցավակցագրում ասվում է.
ՙԱրդարև, Ղպտի Ուղղափառ Եկեղեցին, ինչպես նաև ողջ Քրիստոնյա աշխարհը կորցրեց ՙքաջ հովվի՚, ով ավելի քան չորս տասնամյակներ խորը և անմնացորդ նվիրումով իր հովվապետական առաքելությունն էր իրականացնում Քրիստոսի Սուրբ Եկեղեցում: Երջանկահիշատակ Շենուդա Գ Պատրիարքը մեծ նախանձախնդրությամբ և իմաստությամբ առաջնորդեց Ղպտի Ուղղափառ Եկեղեցին թե դժվարին ու անհանգիստ, և թե խաղաղ ժամանակներում: Նրա ջանքերի շնորհիվ Ղպտի Եկեղեցին վերածնունդ ապրեց:
...Մենք աղոթում ենք առ Բարձրյալն Աստված, որ երջանկահիշատակ պատրիարքի հոգին ընդունի Իր երկնային արաքայության մեջ, և թող Սուրբ Հոգին մխիթարություն պարգևի Ղպտի Ուղղափառ Եկեղեցու սպասավորներին ու հավատացյալ հոտին՚: ... Leer más »

Categoría: Noticias | Visiones: 274 | Ha añadido: termashtots | Fecha: 2012-04-16

Համագործակցություն Գևորգյան հոգևոր ճեմարանի և Երևանի պետական համալսարանի ուսանողների միջև

Մարտի 16-ին, Մայր Աթոռ Սուրբ Էջմիածնի Գևորգյան հոգևոր ճեմարանում տեղի ունեցավ հանդիպում Երևանի պետական համալսարանի ֆակուլտետների Ուսանողական գիտական ընկերության նախագահների և Ճեմարանի ուսանողների միջև` նախագահությամբ Ճեմարանի փոխտեսուչ Տ. Վաչե աբեղա Մկրտչյանի և ԲՈՒՀ-երի հոգևոր պատասխանատու Գեղամ սարկավագ Ավետիսյանի: Հանդիպման ընթացքում երկու կրթական հաստատությունների ուսանողները քննարկեցին համագործակցության մի շարք ծրագրեր: Պայմանավորվածություն ձեռք բերվեց կազմակերպել հոգևոր-ազգային կյանքի խնդիրներին վերաբերող բանավեճեր ու գիտաժողովներ, ինտելեկտուալ խաղեր և մրցույթներ: ԲՈՒՀ-երի ուսանողները պարբերաբար կայցելեն նաև մանկատներ և ծերանոցներ, կմասնակցեն ուխտագնացությունների դեպի տարբեր սրբավայրեր: ... Leer más »

Categoría: Noticias | Visiones: 223 | Ha añadido: termashtots | Fecha: 2012-04-16