Inicio » 2012 » Noviembre » 9 » Քրիստոնեական միասնության պապական խորհրդի նախագահը ժամանեց Մայր Աթոռ Սուրբ Էջմիածին
11:46 AM
Քրիստոնեական միասնության պապական խորհրդի նախագահը ժամանեց Մայր Աթոռ Սուրբ Էջմիածին
Սեպտեմբերի 22-ին, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հրավերով Մայր Աթոռ Սուրբ Էջմիածին ժամանեց Քրիստոնեական Միասնության պապական խորհրդի նախագահ Նորին Սրբազնություն կարդինալ Կուրտ Կոխը: Կարդինալին ուղեկցող պատվիրակության կազմում են Անդրկովկասում պապական նվիրակ Մարեկ արքեպիսկոպոս Սոլչինսկին, Քրիստոնեության Միասնության Աջակցության պապական խորհրդի քարտուղար Հայր Գաբրիել Քուիկը և պապական նվիրակի օգնական Հայր Մանա Ժոզեֆ Մարամերեդդին: «Զվարթնոց» օդանավակայանում պատվիրակությանը դիմավորեցին Մայր Աթոռ Սուրբ Էջմիածնի Միջեկեղեցական հարաբերությունների բաժնի տնօրեն Տ. Հովակիմ եպիկոպոս Մանուկյանը և Ծիսական հայեցակարգային գրասենյակի պատասխանատու Տ. Զաքարիա աբեղա Բաղումյանը: Մեկշաբաթյա այցելության ընթացքում կարդինալ Կոխը հանդիպումներ կունենա ՀՀ նախագահ Սերժ Սարգսյանի, ՀՀ Արտաքին գործերի նախարար Էդվարդ Նալբանդյանի հետ: Պապական խորհրդի նախագահը կայցելի նաև Ծիծեռնակաբերդ և Մատենադարան, կլինի տարբեր սրբավայրերում, դասախոսություններով հանդես կգա ԵՊՀ-ի Աստվածաբանության ֆակուլտետում և Սևանի Վազգենյան Հոգևոր դպրանոցում:
