Մայր Աթոռ Սուրբ Էջմիածնի Հրատարակչական բաժինը
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ
լույս է ընծայել ժամանակակից հույն ուղղափառ աստվածաբան Ստիլիանոս Պապադոպուլոսի «Վիրավոր
արծիվը: Ս. Գրիգոր Աստվածաբան» աշխատության հայերեն թարգմանությունը: Թարգմանությունը
հունարենից կատարել է Մարիաննա Ապրեսյանը:
Գիրքը նվիրված է 4-րդ դարի Ընդհանրական Եկեղեցու
խոշոր աստվածաբան Գրիգոր Նազիանզացու կենսագրությանը: Այս աշխատությունը բազմիցս
հրատարակվել է և իբրև կենսագրական պատմավեպ լայն տարածում ունի ժամանակակից
ընթերցողների շրջանում: Այս գրքի կարևորությունը հայ իրականության մեջ
պայմանավորված է նրանով, որ Գրիգոր Աստվածաբանը Հայ Եկեղեցու տոնելի սրբերից է և Կապադովկյան
մյուս հայրերի հետ զգալի ազդեցություն է գործել Հայ Եկեղեցու աստվածաբանության
ձևավորման և զարգացման վրա:
Գիրքը
հրատարակվել է Մայր Աթոռի բարերար Գաբրիել Չեմպերճյանի մեկենասությամբ:
Մայր Աթոռ
Ս. Էջմիածին
Տեղեկատվական Համակարգ
տնօրեն` Տ.
Վահրամ քահանա
Մելիքյան
